تشويش رقم 8 – الجورة- خليل المتبولي

المكتب الإعلامي للجبهة الشعبية لتحرير فلسطين، بيروت، لبنان
12-01-2019
بعدك صامد ؟
• على قد ما الله أعطاني قوّة
- وقدّيش أعطاك ؟
• شو بعرفني بس حاسس صرت مضوي الأحمر
- بس انتبه تنقطع
• إذا انقطعت بكون وقعت
- أيواااا ! بس الوقعة مش هينة !
• إيه بعرف الوقعة صعبة ، وصعبة كتير ...
- طيب مفروض تنتبه
• كيف بدّك انتبه وكل جورة عم تطلع بخلقتي بدها قدرة ربّانيّة لتتسكّر
- بدّو يكون في النيّة
• النيّة شو فيها تعمل ، من دون تحرّك وعمل
- يعني متل ما الله بريد
• ونعمة بالله ، بس يا حبيبي ، الجورة ما رح تتسكّر لوحدها إذا ما اشتغلنا وعلّينا الصوت بوج لكبار ..
- أيّ كبار ، ما كل لكبار واقعين بالجورة
• بس لكبار واقعين بالجورة ؟! والزغار كمان
- طوّل بالك ، شو باك متشائم ؟
• آه والله !؟! أنا متشائم ؟! ليش وين عايش حضرتك ؟
- بهالبلد
• آهه ، إيه وهالبلد كمان كلّو واقع بالجورة
- يا سلااااااااام
• يا سلام سلّم ، الله يعين


التعليقات المنشورة تعبر عن رأي أصحابها


الأسم *
البريد الألكتروني
البلد *
التعليق *
رمز الحماية: أكتب الثلاثة أرقام السوداء فقط captcha image
New Page 1