خليل المتبولي : تشويش رقم 5 ( المنشار )- خليل المتبولي

المكتب الإعلامي للجبهة الشعبية لتحرير فلسطين، بيروت، لبنان
22-10-2018

- فينا نعرف كيف بلّشِت ؟ وليش ؟
• شو هيي ؟
- وكيف انتهت ؟ وليش ؟
• شووو هييي ؟!
- وليش في ناس بدها تتعذب كل يوم ؟
• مين هنّي ؟
- وبدها تخرب ممتلكاتها ، وباب رزقها ؟
• مييين هنّيييي ؟!
- مش حرام هالمنشار نازل نشر بحياتهم ، من دون حسيب ولا رقيب ؟
• منشار شو ؟
- منشار المعارك والتعتير لي نازل نشر عن أبو جنب بأخوانا الفلسطينيين
• أهه ، هلأ فهمت عليك شو قاصد
- أكيد فهمت ؟!
• أكيد 100%
- إيه عااال ...
- ******************
- ليك خبّروني بعتو وراك
• إيه شو عرّفك ؟
- وَلَو كل العالم عارف أنو بدن ياك
• بصراحة ، مش كتير متحمّس للروحة
- ليش ؟ من شو خايف ؟
• مش خايف من شي ، بس أحسن ما يصير شجار بيني وبينهم ...
- إيه وشو عليه ؟ هوي بالعادي إذا صار نقاش حول موضوع ممكن يصير شجار .
• معك حق ، بس طلبو مني طلب غريب .
- طلب شو ؟
• قالولي جيب معك منشار ...
- منشار ؟ ليش ؟ خير ؟
• قال بدهم ينشروا حريم وعُرض كل شي .
- يا أهلييين ، إيه فكّر منيح
• ما هوي التفكير رح يقتلني
- التفكير رح يقتلك؟! والمنشار كمان ...
• ( تتغيّر ألوانه ، ويدخل بالسكوت )


التعليقات المنشورة تعبر عن رأي أصحابها


الأسم *
البريد الألكتروني
البلد *
التعليق *
رمز الحماية: أكتب الثلاثة أرقام السوداء فقط captcha image
New Page 1